餇記冰室

营业中

休息中

最近好多好友推介我去餇记冰室话呢到系好多生酮餐，我觉得可以同谦谦食下睇下有咩唔同。呢到门面睇落同一般茶记冇咩唔同，都系有快餐果d 选择。咦！但睇真d 餐牌内容，原来佢地好有善心， 有爱心饭劵卖，仲定时派饭添，我见都好多公公婆婆用饭劵换饭和汤座低慢慢食。*酮福堂 x 餇记冰室* 佢地全港首创生酮茶记系列我地就点左⬇️⬇️⬇️💟 首创生酮沙嗲牛肉蛋白汤面配餐肉煎蛋 + 生酮厚椰奶茶 ～ 沙嗲牛肉味道浓郁， 蛋白面口感爽滑几qq ， 奶茶香滑中带点椰奶香。💟 首创生酮生炸猪扒蛋白汤面配火腿奄列 + 生酮厚椰拿铁 ～ 炸猪扒即炸香酥肉嫩， 火腿奄列正常发挥。💟 首创生酮西多士配生炸大鸡髀 ～ 西多士切开酥脆外皮的脆声再淋上生酮糖浆与牛油半溶后拌匀，甜香可口口感松软，即生炸鸡髀外皮超酥脆一咬流哂肉汁好惹味添。