HMV Kafé (已結業)

本身我已经好钟意行HMV，佢开埋Cafe我梗系要去捧场啦！行到肚饿上去食又得，食到好饱落番去行亦得！其实我好钟意佢嘅设计！今日有幸遇上有live Band嘅表演，正呀，👂在听👀再睇👅在吃，气氛好好！我地叫咗一份rib eye、一个香草汁长通粉。扒餐配薯条，系脆卜卜架，佢𠮶浆好特别架，好配合啲薯条，食到停唔到口！块扒就好软熟，好容易就可以跟纹理切开，讲起都想再去食！我地已经有咁大块扒，梗系叫个素啲嘅食下啦，香草汁长通粉就啱啦，感觉上健康啲，冇咁油腻。长通粉嘅眼到啱啱好唔会太林，啲汁入哂长通粉个窿，啖啖都充满香草味！叹番杯啤酒，人生一大享受！