海膽仔

营业中

休息中

其实除咗歌手用作品说话之外，厨师何尝唔系用作品说话呢？每次入到去餐厅，接待、落单、上菜都一定系待应，你同厨师嘅接触，只有从食物去感受。嚟到新蒲岗嘅海胆仔，碟碟嘅海胆份量都咁多，我知道厨师一定系想同我讲：「见你咁靓，俾多啲你啦！」倍化带子呑海胆劲大粒又厚嘅带子完美咁解释咩叫「倍化」！紫菜包住带子，带子入边又夹住海胆，而啲海胆真系多到泻，绝对无办法一啖摆晒落口，带子同海胆都非常鲜甜，系一试爱上嘅餐前小食。海胆冻豆腐海胆冻豆腐系一个惊喜嘅菜式，而两款食物嘅质感相似，充满大豆味嘅豆腐更突显海胆嘅鲜甜味，清淡嘅豆腐亦中和海胆嘅浓郁味，两者非常夹！熔岩海胆鱼饼即叫即煎嘅鱼饼，入面大有干坤。一啖咬开之后，流心海胆蓉随即流出。鱼饼属于重口味，所以海胆味唔算太浓，但胜在够香口，非常惹味！刺身定食配寿司饭剌身有厚切三文鱼、吞拿鱼、北寄贝、赤虾等，所有刺身都非常新鲜，其中三文鱼肥美度十足，大虾非常弹牙！定食配有沙律、面豉汤同寿司饭，非常丰富！海胆三色丼所谓三色即系海胆、呑拿鱼蓉同三文鱼籽。其中海胆用木板形式上碟，令成碗饭望落增加唔少仪式感；绵绵嘅呑拿鱼蓉再加上脆口嘅三文鱼籽，每啖有齐三种层次嘅鲜味，真系好好