甜源居

营业中

休息中

一篇遗忘已久嘅食评，时间番返去今年八月盛夏嘅一晚，我地一行四人响西贡市集食完泰国嘢之后，当中有人要求食甜品，其余嘅人和议，于是乎阿地胆madam带咗我地嚟呢处。据madam讲，呢度嘅西米布丁同「甘潮」有得挥。我就紧系乐于试吓底蕴啦！席上除咗呢款甜品之外，仲有另一款好似河粉嘅物体吸引我嘅注意。先讲布丁，面层铺咗一层凝结咗嘅糖浆，硬硬地，要咬，响食甜品嚟讲其实系一个败笔，因为一个全西餐，响食主菜嘅时候已经用咗唔少牙力去嘴嚼食物，到食甜品嘅时候又点会有牙力去咬甜品呢？呢个布丁本体有啲冻，基于个人喜好关系，我认为热嘅西米布丁会稍胜一筹。整体嚟讲，呢个布丁比「甘潮」嘅逊色咗少少。至于类似河粉嘅甜品，其实系芒果、蒟蒻(河粉)、西米等材料捞成，创意十足，但效果我就唔系咁欣赏。价钱方面，由于过咗太耐，已经唔系记得咁清楚，大约一款唔会过四十蚊左右。