不toast不快 (已結業)

今日去葵芳𠮶度影下劳苏 然后就去葵广行街兼扫街喇 由于晏昼嘅时候食咗buffet所以唔系好肚饿 就上咗最顶𠮶层行咗个圈 睇下有乜好食 见到呢间系卖toast嘅都好似ok 所以就叫左个流心芝士拉丝吐司大概等左五分钟到就有得食啦 佢嘅卖相都好靓仔㗎 爆哂馅吐司有轻轻烤过 个面脆脆地 有层炒蛋喺面 再加啲沙律同茄汁酱炒蛋好滑 不过咬嘅时候真系要好小心 有种喺度玩层层叠嘅感觉😆 因为如果咬得唔啱位可能啲馅就会跌晒㗎啦🙈 佢用左几款芝士 真系做到拉丝嘅效果 咬落中间仲有啲椰菜丝 口感有层次 食完呢个多士好满足 系一间有心制作嘅小店