影片
更多
2023-05-24
322 浏览
好耐之前食过呢间，幸好三年疫情佢都守得住，令我今晚可以再会一会佢。昏黄灯光配以工业风装饰，岩Feel呀沙律几乎系食西餐嘅”指定菜式”，二选一系意大利布袋芝士蕃茄沙律配意大利黑醋 ($118)，布袋芝士即系水牛芝士。白红绿三色组成呢客沙律，唔知点解切开个布袋芝士时有种莫名其妙嘅治愈感以黑醋作沙律酱汁，酸中带甜好开胃亦可平衡返芝士某程度嘅腻感; 芝士奶味几出，口感软滑，加埋够冻多汁蕃茄一齐食，好味呀。首先出场嘅主菜系伯爵茶安格斯牛面颊意粉 ($158)以快炒方式煮无半点酱汁，入口比较爽身; 牛面颊煮得相当腍，质感带点牛腩感觉; 偶尔食到少少类似花椒粒，令幼身意粉带点惹味，但伯爵茶味就唔系几食到。除咗意粉类，仲有素/肉汉堡。对素汉堡一般，所以手打安格斯牛肉汉堡 ($138)就跑出，仲有黄金拍档………薯条。饱面系烘过，外面带少少脆暖身及饱身松软。材料应有嘅都有，如汉堡，烟肉，芝士，蕃茄及生菜，不多也不少。个汉堡入口仲有肉汁，唔系干争争嘅，调教味道岩岩好; 整体口感同味道都唔错，食晒成个都好够饱。佢嘅薯条都唔好错过，入口唔油腻，点埋个松露酱，真系一条驳一条。睇过食评呢客法式焦糖班戟 ($108)
昏黄灯光配以工业风装饰，岩Feel呀
沙律几乎系食西餐嘅”指定菜式”，二选一系意大利布袋芝士蕃茄沙律配意大利黑醋 ($118)，布袋芝士即系水牛芝士。
布袋芝士蕃茄沙律
7 浏览
0 赞好
0 留言
白红绿三色组成呢客沙律，唔知点解切开个布袋芝士时有种莫名其妙嘅治愈感
以黑醋作沙律酱汁，酸中带甜好开胃亦可平衡返芝士某程度嘅腻感; 芝士奶味几出，口感软滑，加埋够冻多汁蕃茄一齐食，好味呀。
首先出场嘅主菜系伯爵茶安格斯牛面颊意粉 ($158)
以快炒方式煮无半点酱汁，入口比较爽身; 牛面颊煮得相当腍，质感带点牛腩感觉; 偶尔食到少少类似花椒粒，令幼身意粉带点惹味，但伯爵茶味就唔系几食到。
除咗意粉类，仲有素/肉汉堡。对素汉堡一般，所以手打安格斯牛肉汉堡 ($138)就跑出，仲有黄金拍档………薯条。
饱面系烘过，外面带少少脆暖身及饱身松软。材料应有嘅都有，如汉堡，烟肉，芝士，蕃茄及生菜，不多也不少。
个汉堡入口仲有肉汁，唔系干争争嘅，调教味道岩岩好; 整体口感同味道都唔错，食晒成个都好够饱。
佢嘅薯条都唔好错过，入口唔油腻，点埋个松露酱，真系一条驳一条。
睇过食评呢客法式焦糖班戟 ($108)有几咁吸引，点都要留D”空间”比佢
法式焦糖班戟
6 浏览
0 赞好
0 留言
顶层系脆身焦糖”盖”住吉士，侧边类似滑蛋嘅系吉士，再有少少砂糖系底部。班戟入口满有蛋香味，松软到无朋友，加埋吉士嘅香甜味道，超级邪恶。
有咁好味嘅甜品，当然唔少得叫埋杯咖啡，Mocha ($53) 及Flat White ($45)都拉咗个心心图案，啡身比连锁店黎得厚身，饮落啡味较出，应该系选用嘅咖啡豆及烘焙程度较为出色。
呢餐无论食品或咖啡出品都相当出色，年青侍应主动有礼，无论想叹杯咖啡或轻食都岩呀。
张贴
