鱻匠

营业中

休息中

鱻匠《筲箕湾筲箕湾东大街54-60号东强大厦地下7号舖》有时唔知食咩好，openrice又太多选择，拣新餐厅就啱，起码唔使选择咁困难，筲箕湾新既日本小店，地点非常之方便地铁站B2出口，一出之后向后行30步左右就到，喺士多仔隔离。餐厅装修非常干净，一入到去长条型嘅设计，水泥设计，日式木枱，职员（maybe老板）非常有礼貌，灿烂嘅笑容，俾我哋自己拣位坐，QR code落单，有好多好细心嘅位，见佢个木杯同厕纸盒都印咗自己logo，可见用心。寿司，平价到中价都有，丼饭都几抵食，仲有剌身炸物手卷同甜品。我地散叫咗嘅寿司摆盘精美，吞拿鱼拖罗三文鱼军舰，衬返颜色咁摆，精心的摆盘和装饰，未食都已经可以有视觉上的享受。食物质素不错，拖罗未至于入口即溶，但价钱吸引，好抵食。另外同职员（ maybe老板）倾开，小店坚持使用每日新鲜的食材，每日都会有来货，确保食材的新鲜度和品质。另外每期都会有唔同新鲜时令鱼嘅配搭，创意新菜式，包保唔会嫌。除咗寿司刺身，另外叫炸虾同炸墨鱼咀，外脆内热，新鲜炸起，香脆无比。仲有埋甜品，满足嘅一餐。平日一至五仲有lunch set 或者下午茶，$50、$60已经有交易，不错嘅选择。