影片
更多
2023-04-28
43 浏览
呢间餐厅有三间分店，第一次同朋友食晚餐，餐厅环境好舒服，我哋好好彩可以坐卡位，门口系可以外卖寿司、定食同埋关东煮，入面就系堂食！呢间餐厅平日晚上都好多人食，建议可以预早book定位。1.青红苹果丝蟹子沙律青红苹果、青瓜、蟹柳都切成丝，面上加左好多蟹籽，捞埋沙律酱，好好味同好易入口，不过个人觉得酱多左少少，少番啲会更突出苹果嘅香甜同更fresh 。另外，好欣赏青红苹果系用咗日本玉林苹果，非常清甜爽口，夹埋蟹柳同蟹籽好有口感！呢个系必推嘅健康之选！2.唐扬小池鱼第一次食小池鱼，鱼身上食得出餐厅有用小小调味料腌过，所以烧得好香同脆卜卜。小池鱼肉质实，烧完更加香口，两啖一条，可以连埋骨食，好方便同送酒一流！3.DIY寿司刺身盛（三文鱼6块、中拖罗两块、大拖罗两块、带子两粒、樱花鱿鱼、芥辣八爪鱼、三文鱼籽）呢个好惊喜，无论味道定idea，可以按自己喜好去包寿司，可以玩又可以食！首先，寿司嘅饭系粒粒分明嘅日本米，加上用嘅醋好特别，唔同平日食嘅寿司。之后睇返Menu，先知道系用左赤醋，所以啲饭系偏啡色，食落口更加香醇！其次，啲刺身同海胆都好新鲜，加上摆设好有心机，好岩打卡。刺身方面，朋友表示大拖罗最
1.青红苹果丝蟹子沙律
青红苹果、青瓜、蟹柳都切成丝，面上加左好多蟹籽，捞埋沙律酱，好好味同好易入口，不过个人觉得酱多左少少，少番啲会更突出苹果嘅香甜同更fresh 。
另外，好欣赏青红苹果系用咗日本玉林苹果，非常清甜爽口，夹埋蟹柳同蟹籽好有口感！呢个系必推嘅健康之选！
2.唐扬小池鱼
第一次食小池鱼，鱼身上食得出餐厅有用小小调味料腌过，所以烧得好香同脆卜卜。
小池鱼肉质实，烧完更加香口，两啖一条，可以连埋骨食，好方便同送酒一流！
3.DIY寿司刺身盛（三文鱼6块、中拖罗两块、大拖罗两块、带子两粒、樱花鱿鱼、芥辣八爪鱼、三文鱼籽）
呢个好惊喜，无论味道定idea，可以按自己喜好去包寿司，可以玩又可以食！
首先，寿司嘅饭系粒粒分明嘅日本米，加上用嘅醋好特别，唔同平日食嘅寿司。
之后睇返Menu，先知道系用左赤醋，所以啲饭系偏啡色，食落口更加香醇！
其次，啲刺身同海胆都好新鲜，加上摆设好有心机，好岩打卡。刺身方面，朋友表示大拖罗最惊喜，油分丰富，系入口即融；整体所有刺身都好鲜甜。
4.蒲烧鳗鱼串
鳗鱼外皮两面都烧得好香口，两旧有啲唔够喉！
5.烧牛舌芯
呢个系必叫，真系烧到岩岩好，简简单单嘅调味，入山好浓牛味同咬落口好juicy同爽口，好好味！
6.冲绳黑糖烧菠萝
菠萝超入味，烧过仲系好多汁同香甜！
7. 西京烧银鳕鱼定食（晚市定食）
晚市定食系咁多样野CP值最高，叫一个定食包括左沙律、面豉汤、前菜（腌黄萝卜）、刺身三点（三文鱼、油甘鱼、北寄贝各一块）及蒸蛋。
西京烧银鳕鱼系用味噌、清酒、糖等腌渍出黎，然后再烧，食得出餐厅用左好多心机！
首先，银鳕鱼被腌得刚好，鱼肉质实而细致，鱼皮被烧得好脆好香口，食落口咸咸甜甜用黎配饭刚好，加上饭上面配上饭素，成个口感丰富左！呢个鱼值得食，加上咁多配𩠌，好抵食！
8.菠萝汁
呢个菠萝汁嘅甜度岩岩好，饮落好fresh，好开胃！
张贴
