Coffee Jobs (已結業)

今晚我们行过旺角广华街谂紧今晚晚餐食边间𠮶阵，见到「Coffee Jobs」有好多人排队等位，所以我们就选择咗食呢间！我们叫咗四个Set Dinner：美式炸鱼薯条嘅鱼柳炸得外层好金黄香脆，炸粉唔会好厚身，入面嘅肉质相当嫩滑，而且有三大块咁多，真系几抵食！烟肉忌廉意大利粉嘅系扁意大利粉，质感好烟韧弹牙，而烟肉有两款，一款系，一款系用忌廉汁去煮，味道好香口，而且完全无油腻嘅感觉！黑松露菌磨菇意大利饭嘅意大利饭唔会好硬，黑松露嘅味道好香浓！芝士肉酱意大利粉系用新鲜蕃茄同肉酱煮成，同平日肉酱意粉唔同，味道更加鲜味！餐汤：南瓜汤嘅浓稠度控制得恰到好处，唔会好稠或好稀，味道极之香甜浓郁！是日沙律嘅沙律菜相当清甜新鲜，当中嘅紫椰菜无咗平日食开有嘅苦涩味，而且非常爽脆！店内嘅环境装修好特别，其中一幅墙系挂满咗餐具嚟做装饰，真系相当别致！餐具亦非常精致，特别系餐碟，餐碟上印有多款唔同嘅动物图案，真系超级趣致可爱！咁细微嘅嘢都咁一丝不苟，可想而知老板对自己所出品嘅食物，系非常用心制作，值得一赞！