武士拉麵 (已結業)

妹妹是拉面爱好者，口袋一直有好几间拉面店想试，今日刚巧同佢出嚟尖沙咀行街，所以就去武士拉面食晚餐。见到大家的评价都好好，我地都想试好耐架啦，好期待。门面不大，系一张长枱对住师傅制作，好似去咗东京街头的小店一样。一坐底，有自助式嘅绿茶，餐牌当然系主打拉面，另外仲有一啲小食。只计拉面都有成十款咁多，我地拣咗好耐，因为真系款款都好想试而且每款汤底都好特别! 经过一轮争扎之后，我同妹妹分别拣咗「丰臣将军拉面」同埋「织田将军拉面」。丰臣将军拉面 - 四国香葱油拉面我系葱蒜控，见到香葱油汤底就已经心心眼，嚟到亦都无令我失望，有大量的葱香芝麻香。先试一啖汤底，汤底清甜，有阵阵的猪骨香，加上面质控制做得好好，挂汤之余又不会过稔；叉烧亦十分出色，肥瘦适中，入口嫩滑。织田将军拉面 - 盐味猪骨汤拉面妹妹喜欢比较传统的味道，简单如猪骨汤就已经令佢好满足。看似简单但其实食得出师傅花了不少心机在汤底上，浓香而不油腻，加上叉烧的香气，妹妹都话好食!如果希望口味多啲层次，师傅亦自家制了鱼介味油，可以提升味道。一边食一边听到师傅同其他客人自家制的过程，大概是要自己将鱼仔烧好再封干打成粉，咁用心制作的小店真系大加分!!