Xi Xup

营业中

休息中

位于大围一间越式新派小店，店面装潢行型格路线，菜式嘅味道令人感觉到有花心思去构思配搭同制作，店员亦都好亲切好热心介绍唔同菜式，值得支持！𓎯椰子咖啡咖啡底加上椰奶沙冰，沙冰溶左味道都唔会变淡，反而愈香椰奶味，面头加上椰子碎片同香烤椰子干，椰子碎片带香脆口感，而香烤椰子干带相对较重嘅椰糖味，令到成杯饮品更香，同埋增加左烟韧口感！𓎰鸡蛋咖啡𝗲𝘀𝗽𝗿𝗲𝘀𝘀𝗼 上面盖上厚实嘅鸡蛋吉士𝗰𝗿𝗲𝗮𝗺 ，𝗲𝘀𝗽𝗿𝗲𝘀𝘀𝗼 非常香浓，带𝗿𝘂𝗺酒风味，配上香甜嘅鸡蛋吉士层令到成杯饮品好似甜品咁，绝对值得一试！𓋝冰镇苦瓜第一次食苦瓜加肉松呢个配搭，估唔到系几夹，带甜嘅肉松减低左苦瓜嘅苦度，带出甘甜，而𝘀𝗿𝗶𝗿𝗮𝗰𝗵𝗮 酱辣辣地，更添惹味𓋋炸香菇虾春卷酥脆饱满嘅春卷份量十足，入面包住香菇猪肉碎同原只虾肉，春卷香脆惹味唔油腻𓋣烤牛肉串烧用上槟榔叶包住牛肉卷黎烧，槟榔叶散发独特香气，但可以放心唔系草青味，而牛肉因为被叶包住，所以仲保留到肉汁，保持肉质软腍，几特别𓎝鱼露炸鸡翼鱼露汁带麦芽焦糖甜味，外层炸得好香脆，邪恶度满满𓆝香茅焗曹鱼制作时间需时三十分钟，一上枱热辣辣，香茅嘅香气扑鼻，曹鱼唔算多骨，几易入口，鱼肉几滑