賜記粉面茶餐廳

营业中

休息中

之前有人介绍左佢地既早餐，我都好钟意佢地啲早餐，特别系果个蕃茄汤底，食得出佢个汤底系用心制作，唔系果啲好假蕃茄味。平时帮衬开佢地早餐，下午茶，今次就试下佢地既午餐。梅菜扣肉同牛三宝河。佢个梅菜扣肉唔会好油，扣肉都唔算好肥。食左都唔觉好有罪恶感。梅菜好清甜，好好食！扣肉都好淋好入味！平时唔钟意食碟头饭既我，竟然成碟食晒！$45送烚菜一碟，物超所值。朋友食嘅牛三宝河，分别有牛腩、牛筋、牛肚。整体嘅味道都唔错，全部都好有味，汤底唔会太浓味。唯独是河粉比较厚身，我比较喜欢薄身滑溜溜既质地。连冻饮好似$5x. 我最支持小店，呢间小店啲老板又好人，又接受改变，肯谂啲新嘢出嚟。日后都会多多帮衬！