Find The Way

营业中

休息中

嚟开朗屏探阿妈，老公突然话想食pancake, 网上揾到Find the way, 虽然唔系喺我bucket list入面，但系见食评不俗，所以嚟试吓。一打开门，先至知原来咁细间，好好彩我哋即刻有位。我哋个座位对正男店员（老板？）冲咖啡个吧位，一路等一路欣赏老板冲咖啡，赏心乐事。 见到佢每个步骤都好细心好专业我要latte, 外面cafe嘅latte 一般都系好淡，甚至似水(连锁店通常都系咁），但系佢哋呢杯，饮第一啖已经有香浓咖啡味，一d都唔苦涩，我老公都话佢杯dirty都够浓，而且饮到尾都有啡味，呢一点出面大部分cafe 都做唔到！有饮开dirty 嘅朋友一定明白呢点。Pancake 一食就觉得好香蛋味！因为我怕肥，一开始拨开左旧牛油去一边，食食吓发觉原来旧牛油系咸牛油，配搭甜甜地嘅pancake 又几好味！所以最后都搽晒旧牛油！由于全店得八个位，好快满坐。我哋期间都有四个人要排队，不过等一阵就有位。临走时，老板帮我哋拉门，仲倾左一两句，好nice 呢啲用心小店喺香港好少见，希望佢哋继续努力做落去，我哋就可以嚟享受下有质素有heart 嘅咖啡同食物。