DR. COW 牛扒專家

营业中

休息中

今日入大围揾friend 食饭，佢就话想试下食呢间位于下径口村嘅隐世小店。我地喺火车站附近搭左架小巴行多5分钟左右就到左餐厅。铺头入面虽然唔大，但胜在干净，装潢简单。我地饮左个自家制手作餐汤，个店员话D汤每期唔同，佢地会睇当造食材先决定整咩汤。个汤好浓，十分之香。我地分别点左杯芒果奶昔同埋乌龙茶底嘅鸳鸯，前者啱晒食完佢个三麻鸡肾之后解少少辣，后者个茶底够晒特别。之后叫左个美国极黑和牛碎彼得包配薯条，同埋食左个牛肉蒜辣芫茜炒扁意粉，两个嘅牛都煮得恰到好处，睇得出店系对牛有d执著！我地仲试左佢个顶级’烧牛肉’沙律，佢个牛肉会不定时转款，而我地果日食嘅时候系封门柳，真系要赞下个牛好重牛味，d肉质好嫩。