大丈夫食堂 (已搬遷) 新店位置

原本想去食壽司郎，但因為實在太多人，又截左人龍，所以就係附近睇下有咩食。見到呢間小店，以前唔多覺眼，可能係新開既，餐牌價錢都好合理，食物唔算多種類，但勝在每款都幾吸引。仲要餐牌價錢唔加一！值得一讚！呑拿魚腩蓉丼，份量剛好，但男仔食可能唔夠，每樣食物都睇得出好用心，連麵豉湯既油揚都好足料，蛋都出奇地好食。魚腩蓉👍🏻👍🏻炸雞即炸，新鮮又多汁，大大舊，抵食！壽司都好新鮮，唔馬虎👍🏻👍🏻👍🏻好食兩人埋單二百幾，抵呀！