福來上海麵 (已結業)

难得黎到荃湾，听朋友讲话香车街既熟食街市有好野食，我梗系即刻冲过去试下喇!呢间福来上海面系由一对夫妇打理，档口其实就系一个车仔，好简单既结构，但系食完佢地亲手整既上海面，碗面其实好温情:-)老板同老板娘知呢排天气热，就送多左杯冻绿茶比我，真系好体贴同细心。我嗌左炸猪排上海面，真系好食到呢，我唔知点形容，D猪排炸得好香口，又唔会特别油，同埋唔多骨，食到啖啖肉咁。跟住上海面份量又啱啱好，同猪排简直系天作之合!听人讲话呢到D云吞又系好好食，下次一定要再黎试下!