鰹烏冬 (已搬遷) 新店位置

专登过唻试下工厦小店。店面都算大，有成6张6人枱左右。使用开放式厨房，见到厨师同待应系啲20多岁嘅年青人，相信呢间店系班年轻人开嘅。由于晏唻，所以几款受欢迎乌冬已经卖完，建议想食受欢迎款式嘅人士应该中午时段唻。拌蛋骨付鸡乌冬：个鸡真系好好食，好入味，鸡皮烧到脆脆地，唔觉肥腻，都有返咁上下大只，推介大家试。乌冬份量略嫌少咗啲，但都几烟韧。半汤洋葱牛肉乌冬：味道同吉野家味道差唔多，唔太特别，但牛肉份量就好多，有满满一碗，大食人士可以选呢个配菜。呢度嘅食物全诞都系即叫即制，所以上枱时热辣辣，价钱合理，但由于店内待应少，就无咩服务同装修，主要sell 食物。