立濱 (已結業)

呢间日式小店评价唔错又唔贵，仲要系黄店，试试佢先～我地都拣左omakase，师傅先问我地有无咩唔食，跟住送上前菜，前菜系渍物有牛蒡、萝卜、蒜头，每款都好食，萝卜口感好似食紧菜脯咁，蒜头食落无辛辣感，唔会食完成阵蒜味😛Omakase有十件寿司，分别系真鲬、仁座鲷、真鲷、鲜帆立贝、缟鲹、真鲈、酱油渍吞拿鱼、中拖罗同马粪海胆，介绍下其中最有印象同大推嘅寿司啦～✅鲜帆立贝 劲肥美厚肉又鲜甜，好满足呀😋✅赤虾加虾头膏师傅用火枪烧虾头膏，烧个阵已经闻到好香不得了，赤虾爽口食落起胶👍🏻✅酱油渍吞拿鱼酱油渍可以中和吞拿鱼酸味，食落亦无筋✅炙烧左口鱼裙边另外散叫左呢款，食落满满嘅油脂感，入口即融，必点呀😍最后有甜品结尾，店员叫我地食左tiramisu先再食寒天，tiramisu千层蛋糕味道唔错，寒天清甜可以清一清口腔😄师傅会逐件寿司同我地讲解名称、种类、调味同口感，师傅亦好细心，知我用左手特登摆个阵就返角度等我易夹d，店员服务贴心餐厅用料又新鲜，全餐饭食得出小店好用心唔系hea做，高质又抵食系一个几好嘅体验😙用餐时间一小时，小店座位不多，食个阵见有唔少人walk in摸门钉🙈，想食嘅记得要提早book位