博多一幸舍 (已結業)

未开张已经有机会可以试到博多一幸舍的菜式，真系好开心。店舖系登龙街，够晒就脚，好方便。店内环境干净，够光猛, 坐得几舒服。呢间日本拉面店2004年系日本开业，到依家已经有十年历史。店内亦有两位由日本过来的师傅主理食物!佢地一碗汤为用一斤猪骨熬制，所以汤底够晒浓，够晒骨胶原, 饮落粘口! 我拣左黑拉面, 略嫌蒜味唔够香浓, 但枱上备有香蒜可以自己加上! 义烧系选用豚肩位, 所以唔会太肥腻, 薄薄一片, 食落好腍! 糖心蛋有小小过熟, 可能因为我浸得太耐! 拉面是幼身的, 软硬适中! 但可能冷气太大关系, 碗面好快就冻晒, 所以要快啲食! 鸡块炸得好脆好香, 鸡肉依然嫩滑多汁, 虽然系炸, 但食落一啲都唔油腻!一口饺子, 一口一个, 食落好方便! 饺子外皮煎得好香脆, 内里馅料有菜同肉, 肉鲜多汁!炒饭, 饭炒得够干身, 饭香十足! 但味道偏咸, 如果无咁咸就prefect!薯仔沙律, 加有明太子, 鲜甜好味! 薯仔好腍,食落唔会有硬身一粒粒, 有啲蛋粒, 蛋味好香 !这间店好有心, 用餐后主厨都亲身跟我们了解食物是否岩口味, 有没有可以改进的地方!!