Outback Steakhouse (形點 I)

营业中

休息中

朋友生日想食outback，估唔到呢度平日都咁多人，好彩有订位，7点几已经有人排队等位了。点咗个斧头扒大餐。粟米忌廉汤几大碗，可以分出4碗，味道唔错。小食拼盘，肉类味道咸咗少少 ，芝士薯条香脆可口。蘑菇薄饼，薄饼唔系脆，但芝士蘑菇造到少少拉丝效果，味道尚可。主菜系斧头扒，好香嘅烧烤味，分量十足。可惜切开就熟咗少少，而且脂肪太多，有四分一左右系肥膏嚟嘅，肉质有少少嚡，牛味唔算好浓，有少少失望。带子意大利饭，带子size有大有细,唔太平均，饭有好香胡椒味，食落唔会太湿，唔错。成个套餐都好丰富，由前菜， 小食到主菜，饱到捧住个肚。成餐饭嘅重点就系生日惊喜啦。侍应好帮忙呀，真系要赞一赞一位短发，唔戴眼镜嘅男侍应。 只系同佢打一打眼色，佢就好醒目咁帮我收拾张枱，仲好有技巧咁问边位系主角，帮我点好蜡烛，拎住个蛋糕去主角隔离，讲生日快乐，完全做到惊喜生日的一刻，超赞。谢谢你们的用心服务。