少爺泰 (已結業)

女朋友难得得闲揾我食饭，就系Openrice揾左呢间系沙田围嘅餐厅。但Openrice话系沙田站行4分钟就到，不过我地行左十几分钟先到，所以系沙田围站行去先正确！7点左右到左都不需要等位，真系好彩。咁餐牌上都有好多不同选择，非常好。叫左泰皇单骨鸡翼做小食，鸡翼d肉依然整得好滑，加埋d甜酸酱，好食。食泰国野点都要叫招牌菠萝炒饭配大头虾，咁佢原只菠萝上，加上入面系塞满饭，所以系好大碟家。仲有2只大头虾同一串菠萝，好抵食。只大头虾都几大只，而且几鲜。马拉盏炒通菜咸咸地，好惹味。值得叫黎食。泰式慢烧牛肉沙律d牛肉都几腍，而且少许辣，其实都几开胃。泰国巧克力巨人非常大杯，份量十足，而且有雪糕同oreo，好丰富。至于脆爆芒果园，上面铺满爆谷，而芒果沙冰都几消暑，所以我地无叫错呢杯饮品。