RuRu Tapas Restaurant (已結業)

前𠮶排去咗奥运𠮶边行，奥海城𠮶边都真系几多嘢行，但我留意到原来𠮶边附近都好多特色嘅餐厅，尤其系都几多西班牙菜，我朋友话带我去食啲新嘢，所以就黎左呢一间餐厅。𠮶日我哋嗌左一碟西班牙辣椒仔，西班牙蛋饼同香辣大虾意大利面。呢一餐都几有惊喜，而且都坐得舒服，服务都好好。西班牙辣椒仔本身一开始惊有啲辣，但食落口之后发现系甜嘅，而佢系用盐去烹调，所以成个辣椒仔反而系咸甜嘅味道。西班牙蛋饼蛋饼入边有薯仔洋葱等等，最特别嘅系佢上面有西班牙风干火腿，份量都几多，冇谂过味道都几夹。香辣大虾意大利面一开始食落口的确系有少少辣，但系系可以接受到嘅程度，意大利面好弹牙，大虾食得出好新鲜。