Man Kitchen (已結業)

今晚放工好攰，想食西餐，沿着青山道一边行，经过man kitchen ,见到佢门面好光鲜，望到餐牌性价比高，走入去试一试！餐厅有唔同种类嘅食物，仲有唔同价钱，由$50几 一份铁板晚餐至百几蚊嘅晚餐都有今次叫咗一份铁板壳饲猪扒，$100 11吋pizza , 跟餐附送甜品、餐汤、蒜蓉包、餐饮。先讲餐汤及蒜蓉包，罗宋汤有点酸，蒜蓉包好趣牛油味好香值得一赞！跟住再等左一阵，上咗份Pizza 水牛城辣味鸡肉薄饼，Pizza落足料，有芝士、鸡肉、辣度适中！相比起连锁Pizza店，佢嘅款式更特别，尤其系佢嘅批底，唔会好粉又唔会硬，老少咸宜跟住到壳饲猪扒，猪扒算新鲜，厚薄适中，配料亦都唔孤寒，俾足生菜、粟米、薯角，＄100多元的铁板餐，绝对无偷工减料求其比块雪藏猪扒食客，良心企业😁最后系甜品热情果芝士蛋糕，略甜，尚可接受吧！喺长沙湾想食餐西餐坐得好啲，呢间Man Kitchen都算唔错！