L1fe Café (已結業)

机缘巧合走咗入呢间餐厅，遇到一间用心既餐厅。menu d菜式名好特别，例如有小学鸡（烧春鸡），而老细又好有心机同我地介绍，每一款都会话俾我地知佢去边入货，例如今日系入左咩位置既牛扒、水果会专程去果栏拣，用黎整special drink，唔系日日都有。啖啖围住你-就系每一啖都有蟹膏蟹肉既意大利饭，咁讲好似好夸张，但真系我食过既蟹肉饭或意粉最浓郁之一。一上枱已经好香，细细食一啖都可以食到蟹肉，个意大利饭都口感都啱啱好，有少少口感，但唔会太硬似未熟。雨夜屠夫好推介-今日就介绍左封门柳比我地。本身我都钟意食封门柳，够牛味、偏软嫩。而且今次餐厅煮得好好，外面煎都有啲焦脆，但又保持返内里juicy。之后我叫左杯Affogato，雪糕系用Movenpick既云呢拿雪糕，再加埋特制既espresso，espresso 比平时饮再浓缩，而且比较偏酸，单饮接受唔到，但沟埋落雪糕又中和左。今次呢间餐厅系意外惊喜，可以再去食😋