佳佳甜品

营业中

休息中

老老实实，一向唔明点解啲港式糖水店成日都颓整，一大半店舖都系整沟粉沟水糖水，又加埋啲古怪生果，乱咁配搭，好多都食过一次就怕怕。拎过米芝莲嘅佳佳甜品，最欣赏系佢真系用心整，虽然口味嘅野好个人，但一定睇得出佢有诚意，唔系买现成椰浆沟水颓整，真系买足材料自己磨自己煲，而且价钱都系平民价，就知道出面啲滥竽充数糖水店食水有几深。例牌叫我最钟意嘅芋茸西米露加汤丸，啖啖芋茸超足料，不过唔知系我口味转咗定点，无论糖水定汤丸都比之前甜，食完好济，希望可以改善下。整得一赞嘅系，佳佳甜品无论疫情前后，一样坐得咁舒服，唔系一般糖水舖同隔离位膊贴膊𠮶种，装修又骨子，食完饭同朋友叹返个糖水下场就最perfect。