滔滔甜品

营业中

休息中

行完街又热又攰，最好食个冰冻马蹄露，点知真系见到有！佢地个潮式腐竹马蹄露，好清甜，唔系𠮶种只系识落糖嘅糖水。有啲马蹄露会将啲马蹄切到好细，咁会失去左马蹄夹口𠮶种口感，但佢地做得好好，马蹄个大小适中，配合地啲腐竹，个卖相同个口感都好好。见佢地虽然主打传统糖水，但都系加左唔少心思，例如佢地有远年陈皮红豆沙，下次去要试下。食得出系好用心做。舖头都有好多小装饰，成个感觉好舒服，而且亦唔算贵。我哋入去𠮶阵佢啱啱开舖，到食完已经枱枱都有人。