URBAN Cafe (駱駝漆大廈第一座)

营业中

休息中

今年夏天，下午出街个太阳好似火炉咁，行一阵都晒到皮肤灼痛。趁住暑假，想同小朋友去玩，除咗室内同沙滩真系冇咩地方好去。又到咗星期日，上网揾紧乜嘢好地方时，睇睇下见到猫猫餐厅，都可以一试㖞！室内，有嘢玩，有嘢食，即刻出发～～因为我哋冇订枱，到餐厅门口时，职员已经提我哋下次要订枱，仲俾埋订枱link 我地。咁我哋去到门口，梗系想入去食嘢啦，好彩有客人no show, 我哋有位坐。先穿鞋套，可以入餐厅场内，跟住要消毒双手。餐厅都算大，比我想像中多猫猫，我哋叫左一客二人餐，包括餐汤，沙律，一个Pizza，一份温泉蛋卡邦尼意粉，加$28有小食拼盘。以动物餐厅黎讲，我觉得佢算数一数二好食，记得以前去动物餐厅，大部份都系难食。根本都唔系揾厨师煮，求其揾个职员，多少少经验就去煮。这间动物餐厅比较用心，感觉到佢真系揾个厨师去煮，除咗有猫猫作伴，仲有用心嘅食物。限时90分钟，准时会有职员礼貌地提你，一切满意。