源味開元米線 (已結業)

去深水埗行街，天气又热烘烘，都系去左医肚先！去左食源味开元米线食个米线先！黎到我都好struggle 㨂咩汤底，因为我唔太食得辣，但都系唔抵得忍唔住㨂左老公㨂嘅’重庆酸辣汤‘🤯当然仔仔就㨂左鸡汤底，仲学人食公仔面😆碗米线黎到经已闻到香喷喷嘅汤味，开头食都唔觉得太辣，好似都接受到个辣度，但不知不觉间食到咁上下我顶唔到😅😅食晒啲𩠌我食唔晒啲米线🍜而老公就话想食埋个凉拌皮蛋，我唔食皮蛋都知只蛋靓，起晒花，好有艺术美！佢话个汁调较得好好，够野味 ！而不得不介绍系佢杯茶！☕️老板介绍话个茶唔系用茶精冲，系用茶叶煲出黎，仲会拉茶拉够20次以上，所以茶味浓、够滑、唔会有涩味或苦！如果茶有净都唔会留，第二朝会重新煲过、拉过茶！睇得出老板除左对茶嘅味道有坚持，汤底更加唔好讲系食得出「用心」嘅味道！下次我要饮我至爱嘅奶茶，今次因为辣，我要饮可乐🤣走前见人地食烤鱼，太吸引，闻到香味！原来佢地可提供4款鱼，系用新鲜嘅鱼，加5种煮法！家中嘅2位大叔系唔喜欢食鱼，咁我只好下次约钟意食鱼嘅朋友陪我再去过！