影片
更多
2018-03-14
533 浏览
有朋友同我讲佢最近系九龙城试左间印尼餐厅，觉得几好食，我从来都冇试过印尼野，咁就一于试下啦。一入去觉得小店几光猛，装修好新，好干净，不过就少左啲东南亚风情。因为第一次去，唔知食咩，就试左老板推介既 黄姜饭 同 巴东牛肉饭 。黄姜饭既配菜好丰富，炸鸡翼、巴东牛肉、烩蔬菜（主要有茄子同红萝卜）、印尼果片、青瓜、鱼干仔花生。炸鸡翼一啲都唔干，好入味。烩蔬菜加左香叶、少少辣椒，好惹味。巴东牛肉都好香，有d似咖喱，不过有一件牛靱左少少。至于印尼果片我唔清楚系咩，有少少似炸虾片，但冇乜味，主要都系食个脆脆的口感。呢碟饭最惊喜既就系中间既黄姜饭💛好重黄姜粉味，而且口感粒粒分明，上面加左d香口的炸蒜，好好味～总括而言，呢碟饭好适合钟意咩都有既人食，每样食材味道都好好。所以我之后去既几次都encore左呢个饭！至于巴东牛肉饭，我冇影相，佢同黄姜饭既巴东牛肉系一样的。味道好，有啲辣。不过我觉得食到尾有少少漏。（只因我个人钟意有唔同既𩠌送饭）老板仲非常好人，得知我朋友唔食得啦，主动送左串唔辣的沙嗲烧猪肉比佢！过左几日，心挂挂呢间餐厅既味道，于是又过黎食。今次试左隐藏menu—串烧斑兰饭。餐牌上冇，同老板落讲
一入去觉得小店几光猛，装修好新，好干净，不过就少左啲东南亚风情。
因为第一次去，唔知食咩，就试左老板推介既 黄姜饭 同 巴东牛肉饭 。
黄姜饭既配菜好丰富，炸鸡翼、巴东牛肉、烩蔬菜（主要有茄子同红萝卜）、印尼果片、青瓜、鱼干仔花生。
炸鸡翼一啲都唔干，好入味。烩蔬菜加左香叶、少少辣椒，好惹味。巴东牛肉都好香，有d似咖喱，不过有一件牛靱左少少。至于印尼果片我唔清楚系咩，有少少似炸虾片，但冇乜味，主要都系食个脆脆的口感。
呢碟饭最惊喜既就系中间既黄姜饭💛
好重黄姜粉味，而且口感粒粒分明，上面加左d香口的炸蒜，好好味～
总括而言，呢碟饭好适合钟意咩都有既人食，每样食材味道都好好。
所以我之后去既几次都encore左呢个饭！
至于巴东牛肉饭，我冇影相，佢同黄姜饭既巴东牛肉系一样的。味道好，有啲辣。不过我觉得食到尾有少少漏。（只因我个人钟意有唔同既𩠌送饭）
老板仲非常好人，得知我朋友唔食得啦，主动送左串唔辣的沙嗲烧猪肉比佢！
过左几日，心挂挂呢间餐厅既味道，于是又过黎食。
今次试左隐藏menu—串烧斑兰饭。
餐牌上冇，同老板落讲就可以了。
有三串串烧，鸡牛猪任你配搭，一只流心太阳蛋，同埋 斑兰饭！
将蛋黄拮穿，拌斑兰饭黎食真系超好味！
饭唔系得啲色水，系真系有斑兰香💚
串烧我觉得鸡同猪烧得比较出色，入味又唔干，牛就略为干左啲。
呢碟系 圣架哇沙律，可走辣。
老板好好，记得我同朋友一个食辣一个唔食，特登用两只碟分开装比我地。
沙律材料有：新鲜菠萝、青瓜、苹果、印尼果片、花生碎。
要将果片掰碎，捞埋一齐食。
材料新鲜，菠萝鲜甜。酱汁系老板自己调味的，像甜豉油，偏甜。
呢个沙律好特别，真系印尼餐厅特有。作为前菜系唔错的，不过建议同几个朋友share，两个人食我觉得有点漏。
最后！经过三次帮衬之后，老板竟然话佢预备左小小礼物送比我地！
系小店自家制的凤梨酥🍍
（点解印尼餐厅都有凤梨酥😂?）
不过呢款凤梨酥同台湾传统既凤梨酥既唔同，馅料冇落糖冬瓜，而系单纯既凤梨蓉，所以食落去会食到一丝丝既果肉，酸酸甜甜。
皮就有啲似芋头酥既皮。
而size系啱啱好一口size，作为饭后甜品真系唔错！
好似有礼盒装卖。
总括而言，呢间小店系有惊喜的，食物总类唔算多，唔花巧，但令人回味。最重要的系好有人情味，好细心，会留意客人既喜好，作出调整。
大家以后去九龙城唔食泰国野都可以黎试下啊 :-D
张贴
