皇茶冰室 (已結業)

朋友介绍「皇茶冰室」的奶茶非常好饮，咁啱路过所以决定一试！店舖嘅装修有别于其他传统嘅冰室，时尚简约，座位既空间非常松动！店员嘅态度好热情，不停介绍好食嘅食物俾我，都好有礼貌！午餐时段到冰室，点左一下「鲜茄焗猪扒饭」😍餐厅完碟𩠌上，热辣辣香喷喷，饭上面铺上一层芝士，鲜茄汁同埋大大块厚猪扒，外表非常吸引！店主仲好细心照顾到一啲好钟意食芝士嘅人，另外送上芝士粉（第一次食冰室可以自己落芝士粉）！芝士同鲜茄汁加埋饭非常好食，味道唔会太酸，而饭系粒粒分明嘅炒饭，非常可口👍🏽厚切猪扒嘅肉质非常嫩滑，唔会干争争之余，系成个饭嘅精髓！另外，男朋友点左「焗咖喱牛腩饭」，个饭一黎到已经闻到好香嘅咖喱味，佢嘅咖喱味香浓之余带有小小辣，令咖喱味道更为突出！牛腩份量多而且恔得林容易入口，配上干身嘅饭粒，非常可口👍🏽估唔到冰室嘅焗饭质素咁高，非常推介！最后，终于饮到朋友所推介嘅奶茶！虽然外表平平无奇，但系饮落就知道茶同奶嘅份量掌握得好好，茶味香浓得来又滑，冰块数量唔会太多之余，甜而不腻👍🏽果然系冰室嘅招牌奶茶！奶茶迷不妨一试！