鮨森日本料理 (已結業)

Sushi Mori，一间本人几欣赏既日本料理！午饭时间，店内颇为多人，好彩订咗位，所以唔洗等！Lunch menu既选择颇多，由百几至四百几都有，丰俭由人！（定食包括了：蒸蛋、主食、面豉汤或乌冬或荞麦面、仲有甜品），而我选择了12件寿司定食！坐喺bar枱，师傅会先问你有咩唔食，如果冇特别要求，那会由师傅自己发板！左口鱼、鲭鱼、三文鱼籽、赤贝、Toro、海胆、仲有......好多鱼名唔记得！师傅会耐心介绍每件寿司既名称，逐件逐件放喺你面前，等你慢慢品尝佢既after taste!每件食材都好新鲜，尤其Toro，油份充足，无筋，入口即溶，十分肥美！鲜甜爽脆既赤贝，师傅用刀在上面划了花纹，增加了口感！盐水海胆，并唔系平时食既木板海胆，带有少许海盐味，没有腥臭味！值得一提：呢度既寿司饭并唔系普通醋白饭，酱油色既寿司饭，令每件寿司，不用点豉油亦提升了鲜味！平时食既寿司姜，大多切成薄片，但呢度啲姜，会切成厚片，更是师傅自制的！用心经营既日本料理已买少见少，鮨森-值得推介！