露面手工拌麵料理

今日系湾仔睇完中医，又要在湾仔觅食啦!面店的灯光招牌镶在正中，还配有一个好可爱食紧面小孩logo，又抢眼又得意。内里地方不算大，设有数张二至四人枱，但整齐企理。小店主打纯手工面，包括纯手工拌面、纯手工汤面、汤、纯手工皮薄馅多之选、小食和手摇饮品，还有一人拌面/饭套餐和限量供应。一人来就唔谂咁多，就在一人拌面套餐中点了鲜茄牛腩拌Biang Biang 面配手拍小青瓜和野生松茸鲜鸡汤($88+$3+$18)，另再追加一客鲁肉(+$10)，好丰富。鲜茄牛腩拌Biang Biang 面大大碗，鲜茄味香浓，酸咪咪好醒胃。两大件牛腩啖啖肉兼有咬口，但一点都唔嚡口，牛味几浓，烹调入味，好味! Biang Biang 面烟烟韧韧，挺有嚼劲，沾上香浓的鲜茄汁，更美味! 手拍小青瓜($0/跟餐) 好翠绿爽口，满有蒜香。入口微凉，味道酸咪咪，同样好醒胃。野生松茸鲜鸡汤(+$18/跟餐) 热度十足，味道好甘香，滋润顺口。内有不少爽口鲜美的松茸，还有鲜香腍嫩的鸡肉，落足料，绝不欺场，真系好想来多碗。鲁肉(+$10) 半肥瘦，不会太肥腻，甘香油润， 恰到好处，味道咸香，用来拌面最岩。