甲天下正宗桂林米粉 (已搬遷) 新店位置

近排，我同男朋友食饭，都会特登揾啲小店嚟食！因为我地觉得，食物质素固然重要，但有冇心去煮，其实都系一个重要因素。餐厅唔大，位置都唔算靓，可以话有啲偏僻，不过见客人络绎不绝，证明佢系有啲实力先可以撑得住。一入到去，会见到呢到有个自助bra, 无限refill腌萝卜同腌青椒！虽然呢两样我都唔食，不过睇得出老板真系有用个心经营嘢食种类唔算多，好似谭仔咁，先㨂要咩米线，再拣配料。男朋友叫咗呢个干捞桂林米粉，第一冷食干捞，味道唔太差！男朋友最钟意佢个卤五花肉，入味得嚟唔会韧。不过我个人始终喜欢有汤嘅米线，见呢个柳州螺丝粉个名咁特别，所以就叫黎试吓。口感同米线差不多，都系好滑身。配料方面，最钟意食五香牛腩，炆得好腍，应该真系落过功夫煮，唔错另外呢到有我番大陆最钟意饮嘅天地壹号，系香港唔系到到有，难到呢到有，所以都叫咗罐享受吓。呢啲用心经营小店其实系香港真系愈嚟愈少，作为一个土生土长嘅香港人，真系唔想见到佢地比大财团一个一个咁食晒，所以有时间去帮衬吓，除咗支持佢地嘅用心外，都可以令一啲唔系主流嘅美食可以流传落去