味 日本料理 (已結業)

海防道街市终于唔净系得茶餐厅，最近新开左间性价比极高既日式外卖店，对于我地呢啲附近返工既朋友仔简直系兴奋呀！🤩🤩老板大推自选海鲜卷物，我地拣左黑白芝麻吉列海虾卷，黑白芝麻十分出色，40几年既经验果然厉害，芝麻炒到极到香脆做卷面口感好似紫菜咁，一上枱已经闻到芝麻香，炸虾即叫即炸，唔洗惊放到稔晒，明显食到虾肉甜味👍👍盐烧左口鱼寿司入口即溶，个种油腻感完全令我幸福感爆灯，咸度啱啱好，加啲日本香葱调味，配上寿司饭既珍珠米无得弹👍👍主菜我地叫左冲绳岛豚软骨乌冬，用黑豚骨精心淆制而成，真材实料，所以饮晒啲汤都唔觉得口渴，猪软骨十分之稔，由软筋包住软骨，同事仲有叫左黯然烧魂烧叉烧饭，老板话每日新鲜由湾仔好出名既叉烧档送黎，食落真系几juicy，蜜汁叉烧配咖哩饭，真系好惹味，平时日本餐厅食猪颈肉或者普通猪肉多，食叉烧真系第一次，加埋个盐烧鲭鱼都好好味👍👍餐厅老板同职员都好nice，十分主动派传单同介绍餐厅，尖沙咀打工仔必食，终于唔洗挨贵日本lunch啦！🤣