乘意

营业中

休息中

新正头去完林村许愿树，返出嚟大埔墟，想揾少少嘢食，于是决定嚟宝湖花园商场试下呢间。下午茶主要系牛角包同乌冬两种选择，我唔太肚饿，于是就叫咗个猪扒牛角包，加五蚊配多杯即磨咖啡。牛角包比想像中大只，差唔多有成只碟咁大，咬落松脆，唔错。猪扒肉质软腍 juicy，肥瘦适中，煎得刚好，底下块生菜中和咗猪扒嘅肥腻感觉，好食。即磨咖啡用双层玻璃杯盛载，保温度一流，坐得耐都唔会好快冻，虽然系小店，呢啲 detail 位都做到足，可见其用心经营。