港原味 (已搬遷) 新店位置

经过利奥坊，发觉呢附近都多咗好多嘢食。最后都系拣咗呢间港式嘢，入到去见到装修都几特别，街头涂鸦风融合了好多香港怀旧元素。环境唔错。咖喱农夫包咖喱汁调味唔错，农夫包香脆，好耐都无食过呢道菜。分量都几多，两个人share就啱啱好。雪山红豆冰个杯系倾斜嘅形状，好特别。同埋我见佢啲菜名都几得意，我就点咗一个是咁的三色蛋，上台原来系唔同味嘅蒸水蛋。三个碗仔连埋一齐，好得意。三款水蛋都蒸得滑嫩，蛋味香浓，最钟意粉丝果款，口感丰富。呢间餐厅从装潢，到食物，餐具，都感受到餐厅嘅用心。食得几满意嘅一餐！味道同创意都令人有惊喜。