影片
更多
2019-03-04
2922 浏览
年头嘅元旦日就跟教会嘅大旅行就嚟过「丽豪酒店」食自肋午餐，顺手拎咗酒店啲餐饮单张八吓，睇到有介绍「意廊」（Avanti Pizzeria）新推咗啲美式意菜。其实，都曾经帮衬过「意廊」，不过，都已经喺10年前嘅事喇，哈哈！近日，就约咗几个朋友嚟食饭，当聚旧又好，当食开年饭又好，总之就开心欢聚食意菜。虽然，餐厅外有唔少露天位，近日嘅天气亦清凉，加上少少灯光嘅配合，都蛮有情调。不过，灯光较为昏暗，怕影相效果无咁好，坐室内就最理想。其实，室内嘅环境都几阔落，就算放上较为挜拃嘅梳化椅，一样唔会觉得局促狭窄，而且，啲椅舒服好坐，又比一般西餐厅都显得光猛，所以，特别多家庭客。今晚嚟嘅目标喺佢嘅斧头扒，36安士嘅斧头扒连埋配菜，仲奉送焗意式面包，佢话两人用，咪傻啦，唔喺讲笑，4个人都够食呀！原价卖$988，跟出面市场定价差唔多，但依家推广限定优惠价只喺$638，超抵食。至于自选散点餐牌都有好多选择，大致分为前菜小食、沙律、浓汤精选、巧手肉扒、尝味海鲜、手工薄饼、自家制意大利面、意大利饭及多款美式芝士蛋糕。如果觉得太多唔知点拣，就不妨缩窄范围瞄住厨师推介。当然，套餐一样有供应，如果喺一人份嘅，有两个选择
虽然，餐厅外有唔少露天位，近日嘅天气亦清凉，加上少少灯光嘅配合，都蛮有情调。不过，灯光较为昏暗，怕影相效果无咁好，坐室内就最理想。
其实，室内嘅环境都几阔落，就算放上较为挜拃嘅梳化椅，一样唔会觉得局促狭窄，而且，啲椅舒服好坐，又比一般西餐厅都显得光猛，所以，特别多家庭客。
今晚嚟嘅目标喺佢嘅斧头扒，36安士嘅斧头扒连埋配菜，仲奉送焗意式面包，佢话两人用，咪傻啦，唔喺讲笑，4个人都够食呀！原价卖$988，跟出面市场定价差唔多，但依家推广限定优惠价只喺$638，超抵食。
至于自选散点餐牌都有好多选择，大致分为前菜小食、沙律、浓汤精选、巧手肉扒、尝味海鲜、手工薄饼、自家制意大利面、意大利饭及多款美式芝士蛋糕。如果觉得太多唔知点拣，就不妨缩窄范围瞄住厨师推介。
当然，套餐一样有供应，如果喺一人份嘅，有两个选择：「经典意菜套餐」及「传统薄饼及意大利面套餐」，前者定价$368一位，包晒自助头盘及沙律吧、是日餐汤、主菜5拣1、精选甜品及餐饮；而后者拣意大利面或饭就定价$185一位，拣薄饼就$195一位，只包自助头盘及沙律吧及餐饮，如想添加是日餐汤及甜品，可俾$32额外添配。
此外，人多嘅就不妨考虑吓个晚市「4人自选晚市套餐」，包小食5拣3、意大利面或烩饭6拣1、12吋薄饼6拣1、主菜3拣1，包餐饮，定价为$1,188；如果配埋自助头盘及沙律吧，就定价为$1,488，想丰富啲，可俾$32（每位）额外添配是日餐汤及甜品。
由于我哋目标喺个斧头扒，所以，都喺散点。不过，虽然无试到佢哋嘅自助头盘及沙律吧，都补少少相俾大家了解吓、参考吓。
枱上已放置咗好多调味料，不过，今晚所品尝嘅菜式都煮得恰到好处，基本上枱上嘅调味料都无乜点用过。
菠萝特饮 $45难得一聚，梗喺先碰吓杯，祝福吓，嗌句饮胜先啦！谂住今晚食肉多，所以，小弟就拣杯清爽啲嘅菠萝特饮。不过，就钟意餐厅用上纸饮管，算喺比胶嘅环保少少。
美式香脆蟹肉饼伴牛油果沙沙 $148每个蟹饼都做得颇大件，而且，炸得金黄，色泽平均。咬落咯咯声，非常香脆，最重要喺唔油吖嘛，仲食得到丝丝蟹肉！
美式香脆蟹肉饼伴牛油果沙沙
$148
58 浏览
0 赞好
0 留言
伴上嘅酱料牛油果沙沙亦都好特别，酸酸辣辣之余，味道富层次，配蟹饼更带嚟点点清爽感。
烩青口配蒜蓉包 $148早前晌荔枝角嘅Holly Brown同样食咗一道青口配蒜蓉包，不过，𠮶次打正旗号喺白酒汁而无酒香，就有啲失望。今回呢一道青口正㖞，可以拣配香草忌廉汁或辣蕃茄汁，我哋选前者，虽然餐牌无标明青口嚟自边度，但只只都肥美饱满，肉质细腻，唔会好胶咁，而且，挂满香草忌廉汁，份外有种柔滑感。
烩青口配蒜蓉包
$148
54 浏览
0 赞好
0 留言
啲汁咁正，当然唔好嘥啦，揾啲蒜蓉包沾一沾啲汁，令蒜蓉包嘅味道变得唔单一。
威士忌火焰岩盐焗36安士美国斧头扒 $63836安士美国斧头扒千呼万唤、火热登场，点解咁火热，皆因大厨加入威士忌火焰元素，令整道菜更玩味，淋上点着火嘅威士忌，虽然酒香只喺得一阵阵，转眼挥发就无晒，但柔柔火光，好有视觉效果。上文都话过36安士真喺唔讲得笑，友人都话佢似足成个斧头咁，所以，「斧头扒」之名唔喺浪得虚名。此外，仲伴有大量而多样化嘅薯菜，所以话呢，4个人嚟「些牙」就最开心不过。
威士忌火焰岩盐焗36安士美国斧头扒
$638
79 浏览
1 赞好
0 留言
件扒本身质素已经极高，因为落刀𠮶下已感觉到啲肉嘅柔嫩感，就算为着朋友缘故，要上七乘熟，切起嚟都唔使太用力，烧出嚟火喉啱啱好，外层十分焦脆，里面一点血水都无，却仍然保持嫩红色，一小件放入口，口感软腍而富肉味，又甚有肉汁，仲油香馥郁，品质确喺高。事后跟大厨交流，原来成件扒经过湿式熟成，又以优质岩盐包住嚟焗过，唔怪得肉味浓郁，又唔使点沾酱汁都够晒味。
除咗丰富嘅薯菜，个扒仲伴有香焗意式面包及香草牛油，不过，唔搽啲香草牛油，啲长法包都已经好有香草味。
香草芥末烤黑毛猪鞍 $248近年都几兴食黑毛猪鞍，因为，小弟都唔喺第一次，近三几年都食唔少次，问过大厨，猪鞍喺嚟自加拿大，喺好有水准嘅货色。件猪鞍都几厚身，煎得甘香，色泽金黄，同样伴上多样薯菜。其实，加拿大猪鞍可以唔使煎到全熟，不过，大厨话为求让客人食得安心，都会以全熟处理。之但喺，肉质喺出奇地咁软腍，仲有少少脆口嘅感觉，真喺好特别。
香草芥末烤黑毛猪鞍
$248
48 浏览
0 赞好
0 留言
香烤龙虾伴香草忌廉汁手卷意大利面 $198细细个时，就只喺识意大利粉、宽条面、千层阔面之类，但人大咗，见识多咗，就知道意大利面喺一个好大嘅世界。嚟「意廊」真心推介食佢哋嘅意大利面及手作薄饼，因为都喺人工手做嘅出品，够晒个性化。就好似呢一道手卷面（Strozzapreti）就非常特别，真喺唔人手做喺揾唔到，配上半只波士顿龙虾，够晒睇头，非常吸引。
香烤龙虾伴香草忌廉汁手卷意大利面
$198
70 浏览
0 赞好
0 留言
柠檬脆糖芝士蛋糕 $148与其散点一件件芝士蛋糕，叫一个仲划算，直情当埋生日蛋糕都无问题呀，而且，依家仲有七折优惠。佢哋嘅芝士蛋糕都喺以传统美式嘅做法，即喺口感比较挺身啲，芝士味又浓郁啲，甜中带点咸香味，所以，呢个「柠檬脆糖芝士蛋糕」嘅配搭就一流喇，因为上层正正做咗一层柠檬蛋白，软滑清新，平衡一下芝士嘅浓味；而底下嘅消化饼做得薄而平均，就连呢啲细节位都无甩漏，食得出喺用心之作。
柠檬脆糖芝士蛋糕
$148
47 浏览
1 赞好
0 留言
做菜嘅嘢，可以好简单，但花啲心思，又用心去做，就会煮出一啲好菜式，正所谓用心良苦。今晚，大家都好赞赏所有菜式，尤其当中嘅斧头扒、猪鞍及手卷意大利面，都喺十分出色嘅出品，故大家都食得好开心，再加上轻松写意嘅环境，以及熨贴嘅服务，兼可以赚埋飞行里数添，就自不然更称心。
张贴
