影片
更多
2021-02-11
457 浏览
最近有啲原因又令我经常喺红磡黄埔一带出没，呢度最吸引嘅地方莫过于各式各样嘅美食😍。打卡店集中喺黄埔花园以至海皮一带，而小店就林立于旧区(芜湖街、崇洁街等)嘅大街小巷。呢日我就喺旧同事嘅推介下，帮衬咗「Burger Begin 」。如果唔熟呢区，你未必会估到小店座落呢个位置，附近系一啲好旧式嘅舖，卖汉堡包可算格格不入🤣。店舖外嘅环境就相当麻麻，立食区面向后巷，但又咁讲，其实佢系专做外卖🥡，所以影响不大；放张枱都系想方便你肚饿可以即时开餐。我哋企喺度唔够一分钟，老板整完手上张单就即刻出嚟同我哋详细介绍有乜食。揸唔定主意嘅我劲烦咁每事问，但佢非常耐心解答。对话中我完全感受到佢经营小店嘅热诚👍，佢能够讲出每款汉堡包嘅特色，以及演变过程。例如金沙咸蛋黄酱应该要点夹入个包度，又或者点解素汉堡用大啡菇做馅，而唔系用素肉。同时，佢好清楚舖头嘅定位，所以定价好合理！喺老板嘅介绍下，有选择困难症嘅我都好快拣好食乜😛。呢度除咗汉堡包，仲有热狗同少量小食卖。如果唔食牛都唔紧要，因为佢预咗用猪或者鱼取替，好贴心。日式汉堡🎌Japanese Wasabi Salsa Burger ($58)，点解要特登写埋汉堡包
最近有啲原因又令我经常喺红磡黄埔一带出没，呢度最吸引嘅地方莫过于各式各样嘅美食😍。打卡店集中喺黄埔花园以至海皮一带，而小店就林立于旧区(芜湖街、崇洁街等)嘅大街小巷。呢日我就喺旧同事嘅推介下，帮衬咗「Burger Begin 」。
如果唔熟呢区，你未必会估到小店座落呢个位置，附近系一啲好旧式嘅舖，卖汉堡包可算格格不入🤣。店舖外嘅环境就相当麻麻，立食区面向后巷，但又咁讲，其实佢系专做外卖🥡，所以影响不大；放张枱都系想方便你肚饿可以即时开餐。
我哋企喺度唔够一分钟，老板整完手上张单就即刻出嚟同我哋详细介绍有乜食。揸唔定主意嘅我劲烦咁每事问，但佢非常耐心解答。对话中我完全感受到佢经营小店嘅热诚👍，佢能够讲出每款汉堡包嘅特色，以及演变过程。例如金沙咸蛋黄酱应该要点夹入个包度，又或者点解素汉堡用大啡菇做馅，而唔系用素肉。同时，佢好清楚舖头嘅定位，所以定价好合理！
喺老板嘅介绍下，有选择困难症嘅我都好快拣好食乜😛。呢度除咗汉堡包，仲有热狗同少量小食卖。如果唔食牛都唔紧要，因为佢预咗用猪或者鱼取替，好贴心。
日式汉堡
$58
10 浏览
0 赞好
0 留言
汉堡包🍔嘅组织由上至下数起：面包、$30追加嘅鹅肝、山葵沙沙、车打芝士🧀、安格斯牛肉汉堡扒、沙律酱、自家酸青瓜🥒、紫洋葱、生菜同面包，各款配料同酱料配合埋一齐毫无唯和感。鹅肝煎得好香，加上有轻轻压扁，咁就唔会一啖食哂就无。🐮汉堡扒厚薄适中，牛味浓郁兼多汁，而且肉质唔松散。面包层无特别烧至脆身，但放入咁多料亦无令佢过湿、变海绵，成个包夹埋绝对称得上系好出色😋！
芝士辣肉酱热狗($36)，🌭以长超过20cm嘅热狗而言，佢真系卖得平，仲要实物出到嚟比图片更爆馅。辣肉酱无预期咁辣🌶、咁浓味，可能要平衡客人一般接受到嘅辣度。个人认为热狗仲有啲方面可改善，例如面包适宜烧脆以提升口感，同埋中间条肠应该换上脆皮肠会好好多！不过热狗如汉堡包一样有加入洋葱同生菜等，所以食落整体味道都唔算单调。
炸鸡配秘制辣沙律汁
$38
4 浏览
0 赞好
0 留言
我哋升级咗一份套餐(+$15)，包炸薯条同罐装汽水，份量一啲都唔少。🍟薯条粗身，热辣辣炸起，佢仲加咗啲味粉添，另配茄汁。餐厅只卖罐装或支装饮品🥤，无自家制出品，但其实咁先系醒目，因为主力炮制擅长嘅嘢好过分心做几样。
总括嚟讲，小店嘅汉堡包出品好高质，用料花心思，制作唔马虎🤤。老板话好多人会专登揸车嚟买，我食完相信系真。食物味道好之外，佢作为一间外卖店亦称得上好专业，点解咁讲？因为食物即叫即整，但出餐速度都好快🙏🏻，买外卖最惊要企喺度等好耐。我相信咁有效率嘅背后，全因事前做足准备功夫。另外，外卖容器亦将食物包得好妥当，喺街食都唔怕食到周围系😁。小店值得支持💪！
张贴
