影片
2023-07-04
437 浏览
大坑出名多高质食肆，今次到访嘅睿海御宴系一间楼上私房菜，地点就脚，过咗铜锣湾道𠮶个安全岛再行几步就到，而且门面抢眼，有中式牌匾，上楼嘅楼梯仲有舞火龙壁画，好有特色。私房菜通常价钱不菲，但呢度就丰俭由人，第一次嚟小试牛刀食佢嘅$488套餐，有半只鸡再加两个小菜，几抵食👍🏻鸡可以拣花雕鸡或炸子鸡，钟意食脆皮嘅我地二话不说拣咗后者，真系皮脆肉嫩，最得意嘅系会配埋炸虾片，味道同样出色～小菜方面我地拣咗咕噜肉同肉松四季豆，两者都好有镬气，四季豆辣度啱啱好～见佢套餐咁好食我地都再加咗汤同个蚝饼，蚝饼嘅蚝量多得惊人，配埋特调酱汁，微酸嘅味道更加带出蚝肉鲜味，仲有腌萝白丝十分解腻。汤品系逐位上嘅，以茶壶盛载别具特色，猴头菇炖鸡味道香浓，小杯咁饮保温效果更好，仲可以隔埋渣🤣🤣主菜汤品固然系好食，但成餐饭最惊喜系一开始嘅开胃小食，望落好朴实嘅凉拌青瓜非常爽脆，而且酱汁比起平时坊间食到嘅更好味，令人眼前一亮～
私房菜通常价钱不菲，但呢度就丰俭由人，第一次嚟小试牛刀食佢嘅$488套餐，有半只鸡再加两个小菜，几抵食👍🏻
鸡可以拣花雕鸡或炸子鸡，钟意食脆皮嘅我地二话不说拣咗后者，真系皮脆肉嫩，最得意嘅系会配埋炸虾片，味道同样出色～
小菜方面我地拣咗咕噜肉同肉松四季豆，两者都好有镬气，四季豆辣度啱啱好～
见佢套餐咁好食我地都再加咗汤同个蚝饼，蚝饼嘅蚝量多得惊人，配埋特调酱汁，微酸嘅味道更加带出蚝肉鲜味，仲有腌萝白丝十分解腻。
汤品系逐位上嘅，以茶壶盛载别具特色，猴头菇炖鸡味道香浓，小杯咁饮保温效果更好，仲可以隔埋渣🤣🤣
主菜汤品固然系好食，但成餐饭最惊喜系一开始嘅开胃小食，望落好朴实嘅凉拌青瓜非常爽脆，而且酱汁比起平时坊间食到嘅更好味，令人眼前一亮～
张贴
