家後

营业中

休息中

深水埗饺子店十分多，间间都话系老字号。所以好难拣食边间。抱住一个有位就入嘅心态，行左几间都超爆，lunch hour 嘅关系。最后去到依间有一个单边位，所以稔都唔稔就直入。最后竟然有惊喜。其实都有人等紧位 可惜佢地系几个，我一个人先可以直入。menu 好简单，两张纸睇哂。出名食饺子，所以叫咗两款出面比较少见嘅煎饺试吓，有菠菜猪肉同洋葱猪肉。洋葱猪肉十分足料真系食到洋葱味，洋葱冇𠮶阵生味但有鲜甜味系到。同猪肉好夹。菠菜猪肉呢个组合10分少见但有惊喜菠菜味好够，有一种健康又香嘅感觉，可以调出猪肉嘅香味出黎。麻辣鸡翼十分入味又就够辣，好开胃。日式住家饭团好住家feel有肉同酱油嘅味，好开胃。猪手炆到好淋，好入味啲骨一咬就开。好重骨胶原。menu 冇嘅，要问。老板推介开心果芝士蛋糕。好重开心果味，估唔到喺深水埗依啲饺子店竟然食到开心果芝士蛋糕。