影片
更多
2023-01-11
199 浏览
年尾出花红当然要约埋好姊妹食餐Omakase好好庆祝下,选址九龙城一间邻近宋皇台站嘅「鮨胜」, 餐厅一排式吧台布局, 干净企理。晚市omakase只供应两款dinner set 18品同埋23品, 价钱分别为$1,380/位同埋$1,680/位。我地拣咗OMAKASE 18品 HK$1,380/位。包括了前菜、刺身5品、料理、蒸物、寿司6件、卷物、江户前玉子、汤物、甜品。水云糖蕃茄: 清甜蕃茄仔已去皮, 水云爽脆, 个汁黏滑酸味味, 好开胃。赤贝.山葵.柠檬汁.橄榄油: 赤贝下垫咗柠檬片, 沾咗少少柠檬汁, 先食到微微酸涩味, 后续有少少wasabi冲激味蕾平目鱼包住烧鱼边.山葵昆布渍:面层淋上土佐醋jelly, 入口酸尾尾, 平目鱼软滑口感中再食到入面烧鱼边嘅香口。熟成一周𫚕鱼.用上葱酱油渍: 𫚕鱼超厚切嫩滑, 葱酱油渍再提升了𫚕鱼本身鲜味。熟成两周拖罗: 只系侧边位有微熟, 依然keep到刺身口感。 酱油腌过嘅赤身: 鱼油相对丰富, 甘香味浓。樱煮八爪鱼: 经慢煮令八爪鱼口感极林, 个汁咸咸地, 好似食紧牛腩咁, 同平时食开鲜味爽口嘅八爪鱼极为不同。炸金目鲷.配宫崎洋葱汁: 鱼鳞炸
选址九龙城一间邻近宋皇台站嘅「鮨胜」, 餐厅一排式吧台布局, 干净企理。
晚市omakase只供应两款dinner set 18品同埋23品, 价钱分别为$1,380/位同埋$1,680/位。
我地拣咗OMAKASE 18品 HK$1,380/位。
包括了前菜、刺身5品、料理、蒸物、寿司6件、卷物、江户前玉子、汤物、甜品。
水云糖蕃茄: 清甜蕃茄仔已去皮, 水云爽脆, 个汁黏滑酸味味, 好开胃。
赤贝.山葵.柠檬汁.橄榄油:
赤贝下垫咗柠檬片, 沾咗少少柠檬汁, 先食到微微酸涩味, 后续有少少wasabi冲激味蕾
平目鱼包住烧鱼边.山葵昆布渍:
面层淋上土佐醋jelly, 入口酸尾尾, 平目鱼软滑口感中再食到入面烧鱼边嘅香口。
熟成一周𫚕鱼.用上葱酱油渍: 𫚕鱼超厚切嫩滑, 葱酱油渍再提升了𫚕鱼本身鲜味。
熟成两周拖罗: 只系侧边位有微熟, 依然keep到刺身口感。
酱油腌过嘅赤身: 鱼油相对丰富, 甘香味浓。
樱煮八爪鱼: 经慢煮令八爪鱼口感极林, 个汁咸咸地, 好似食紧牛腩咁, 同平时食开鲜味爽口嘅八爪鱼极为不同。
炸金目鲷.配宫崎洋葱汁: 鱼鳞炸后脆得有声, 层次丰富, 食到鲜鱼味。
目仁奈.日本蜂蜜.青瓜渍: 鱼质幼滑, 入口渗出淡淡青瓜清香同埋少少甜味, 味道清新。
北寄贝.青柠汁.香草酱: 北寄贝微爽, 青柠汁能带出鲜香, 冇腥味。
绍兴酒腌渍牧丹虾.青柠汁: 香醇绍兴酒香同清新青柠汁好夹, 扫上了爽口牧丹虾表面, 食完口中仲keep到一阵子绍兴酒嘅余韵。
京都海老芋.松叶蟹肉柚子汁: 芋炸后有如薯仔嘅口感, 茨汁好滑好清甜。
根室赤上海胆: 海胆入口即溶, 鲜甜无腥味同涩味。
烟熏银鳕鱼.生熟蒜:
先满足相机食先, 银鳕鱼系烟熏罩中渐渐呈现出; 鱼质软滑, 蒜香提升了鱼鲜味。
海鳗卷物: 紫菜包住火灸过嘅海鳗, 海鳗好林, 鱼油丰富。
拖罗手卷: 卷物包住了寿司饭, 酿入了拖罗蓉, 夹集了爽脆甜甜嘅黄萝卜碎粒, 每啖都食到丰富拖罗蓉, 又很有层次。
江户前玉子: 鸡蛋混入了虾肉同埋鱼肉, 口感软熟湿润甜甜地, 好似食紧海绵蛋糕似的。
平茸赤羽清汤: 味道清甜不会过淡, 配上赤羽片同埋平茸, 足料, 饮落舒服。
甜品有日本蜜瓜+士多啤梨: 两款清甜多汁, 正
张贴
