Vision 8

肥仔今日想同个朋友庆祝生日，佢喺荃湾放工，听讲有间西餐好适合庆祝，一于book枱去试吓！🔥炸有皮粗薯条配黑松露酱粗薯多脆内软有口感，个黑松露酱减少油腻感。🔥是日餐汤番茄汤顺滑厚身，微酸好开胃！配上热辣辣嘅餐包，系好好嘅开胃菜！🔥香煎带子配牛肝菌忌廉汁意大利面煎香嘅带子鲜嫩无比，忌廉汁刚好包住无条面条，食落不会感到腻。再加上香溢四方嘅牛肝菌为呢碟意大利面，带来绝妙滋味！🔥烤美国极佳级肩胛牛扒牛肩胛扒5成熟刚刚好，牛味浓郁，极佳级油脂丰富平均，而且肉质带有咬劲。配菜有焗薯块同菜，减少咗牛嘅油腻感。总结，由多年酒店经验厨师主理嘅荃湾小店，荃湾价钱食到酒店质素，服务、味道都系做得好好，绝对超值呀！