隨心 (已搬遷) 新店位置

人生顺逆无常，有无谂过如果事事顺心，人生仲会唔会一样精彩？定系事事顺心反而会觉得乏味呢？有时选择随性，放松一啲，未尝唔系一件好事。随心而行、随心咁生活，或者去鲗鱼涌食马来西亚菜，都系一样简单随意又舒适。小店装潢虽然简单，但系并唔代表马虎。墙上贴满一幅幅特色画作，环境舒适整洁。海难鸡饭既鸡肉非常嫩滑，外皮有弹性，感觉上一啲都唔油腻，亦唔会好肥。值得一赞系海南鸡已经去骨，可以一啖食晒，感觉更加爽，仲有三种口味嘅酱汁可以搭配添！油饭散发淡淡香味，同爽滑嘅鸡肉非常夹。再饮埋杞子鸡汤，成个餐鸡味浓郁，爱食鸡嘅朋友要试试啦。串烧包括有猪肉同鸡肉各3串，烧完好香好惹味。再点埋特制沙嗲酱，初入口味道香辣后带少少甜味。加上酱入面带有少许花生粒粒，更加有多重口感。猪肉串食落肉汁丰富，好香口；鸡肉串嫩滑，质感比较软。钟意重口味可以试下，味道浓烈得嚟有少少辣，好惹味又有镬气！浓浓嘅酱汁煮到上面各样食材都好入味，特别系大虾，将原本嘅爽甜虾肉加添一分惹味，层次更丰富。 肉骨茶以猪骨、猪肉同埋中药材熬制，药材份量非常多，好足料！无论闻落定食落药材味道都相当浓郁，汤内嘅猪肉煲到又腍又入味！据闻肉骨茶仲有行气活血嘅功效