長阪燒

营业中

休息中

今日黎到朗豪坊行街，晚餐唔知食咩好，就跟google map黎到呢间餐厅。见到呢个招牌转入去搭lift就得，好贴心~~一入去见到好高级、好有日本feel嘅装修，成个环境好舒服，厨房又系open kitchen，透明度好高，好干净。份menu设计得好靓好清晰，款款菜式都好有特色😋我地叫左松叶蟹膏多士、杂锦天妇罗、云丹拖罗蓉山盛、拖罗根沙律，仲拣左鸡肉大葱、鸡肠、鸡皮、鸡首肉、黑豚、豚肉秋葵、青椒仔，7条串烧。松叶蟹膏多士 ($128)，卖相好靓，好多膏，有6旧烤多士，绝对够搽。蟹膏好有鲜味，唔系死咸；多士仲有少少牛油味，配蟹膏真系好正，系第一次食到好特别、回味无穷嘅味道！云丹拖罗蓉山盛 ($188)，海胆好多、三文鱼子满泻晒出黎，视觉效果爆棚。拖罗蓉都好新鲜，入口即溶，海胆肥美一d都唔苦，好好食！杂锦天妇罗 ($128)，炸粉好薄，蕃薯、南瓜、青椒、菇都炸得好好，炸虾好大只，啖啖肉拖罗根沙律($78)，是日special，好fresh，好少见到鱼肉沙律，d鱼肉烧到好好食。大家可以叫黎试吓7枝串烧 ($200)，鸡首肉、豚肉都好好食，冇雪藏味，肉味鲜美，啖啖肉；鸡肠、鸡皮亦好特别，口感爽脆