十一串

营业中

休息中

呢间小店嘅串烧都好出色，店员嘅服务都好好，态度亲切，又会介绍下啲嘢食，令人有宾至如归嘅感觉!椒盐黄金墨鱼咀炸到外皮好香脆，粉浆够薄，入面嘅墨鱼咀好新鲜，弹牙有鲜味，一咬开有墨鱼嘅肉汁，椒盐调味刚好，好香口好惹味。原条蒜蓉烧茄子蒜蓉份量好足，茄子大大条，食到停唔到口~蜜糖烧鸡翼鸡翼烧得焦香，食落有鸡油同肉汁，加埋蜜糖甜好夹~蔬菜串烧有小小调味，唔会盖过菜本身嘅清新。生蚝肥美多汁、无沙，老板话今日蚝嘅size较细所以另外有补多一只俾我，真系唔话得!!乌冬汤底清清地鱼汤，可以喺食串烧之间清下口腔嘅味道，等我可以食得无咁腻，又可以食饱。