彩福皇宴 (安達中心)

营业中

休息中

彩福皇宴听就听得多，但系呢到食中菜都系第一次呀。 酒楼装修都比较时尚，感觉新净和舒适。当日都有啲宴会， 好彩地都系等咗一阵间就好快有位了。脆皮南乳鸡鸡皮整得好脆好有光泽，南乳味够香，鸡够 嫩滑兼且juicy，用南乳整嘅鸡原来都几好食，味道几特别呀。带子海鲜杂菜煲当中主要有珊瑚蚌，虾，带子和蟹柳，份量够晒多， 珊瑚蚌烟韧，带子大粒兼弹牙，虾够晒爽口， 蟹柳软熟， 再配西兰花，菜心和唐生菜， 一个煲里面有咁多料，呢个煲真系好抵食。蒸元贝由于我系带子控，点少得叫个粉丝蒸带子呀。 清蒸带子够晒清甜嫩滑， 火喉控制得好好，粉丝够晒入味，落少许豉油非常惹味。黑松露秋葵带子炒滑蛋第一次咁样食黑松露炒蛋， 轻轻既黑松露味，再配上爽口嘅秋葵， 当中夹杂少量带子， 炒埋一齐原来味道都好夹。椒盐鲍鱼粉薄香脆， 即叫即炸，新鲜出炉所以热辣辣的， 鲍鱼烟韧，椒盐够晒惹味，唔会太咸。清蒸沙巴龙趸斑鱼好大条，够晒滑和新鲜，烹调时间控制得好好， 鲜味十足。三大优惠我都唔执输叫咗两样， 真系超级抵食!如果唔想烦可以选择孖宝餐，都系一个唔错嘅选择。四个人食每人都系食咗200蚊左右，真系饱到一个点。