新記雞粥 (鴻禧大廈)

营业中

休息中

今朝小妹早餐都未食就要系附近做野, 做完野时间尚早, 同朋友经过E间粥店见天气冻冻地🥶就入去食番碗粥仔暖下肚😊!入到去环境都算大而且干净企理, 餐厅提供多款一锅锅嘅生滚粥, 即叫即整, 仲有小食, 小菜, 饭面🍛🍜等等, 种类繁多, 样样都好似唔错咁😆, 于是我地就叫左两个粥, 一碟肠粉, 一碟油条同一杯特饮😋, 上菜速度快而且每样份量几足!七喜龙眼冰味道正常几解渴, 不过不失!油条（跟餐）新鲜即炸, 热辣辣, 口感松脆有韧劲!叉烧肠粉肠粉大大条, 口感滑溜软糯, 而且有好多层, 每层都足料, 食落口感丰富!驰名贵妃鸡粥🐓鸡粥呈淡黄色, 散发住浓浓嘅鸡香味, 粥身有少许鸡油, 入口软绵带微微嘅酒香, 鸡味几浓而且调味刚刚好, 鸡件皮爽肉嫩, 味道唔错!驰名海鲜粥🐟🦐🦀海鲜粥有虾有鱼有蟹仲有带子, 令粥底嘅味道几鲜甜, 虾肉爽口弹牙, 带子鲜甜肉嫩!