影片
更多
2020-05-07
1288 浏览
今日无端端好想食小菜，横掂去开沙田，就睇吓附近有啲咩特色嘅大排档。咁见上网有人介绍呢间，咁佢就喺冬菇亭嘅，而且入边都有冷气，入到去店员都比较手忙脚乱，想拎位嘅时候都系门口企左一阵先至有人安排我哋入去带位，但系因为见佢系小店，人手安排比较慢慢紧，所以我都值得体谅嘅。坐低我哋就开始叫𩠌，咁我哋叫咗三样𩠌，其实三样𩠌都好食嘅，所以呢间餐厅我都会俾佢一个中上嘅分数。我哋就叫咗个金银蛋炒时菜，咁我哋就拣咗菜心，佢嘅用料都好靓啊，菜心系用菜心苗，食落去好嫩口，唔会好老，而且金银蛋都好食，重点系佢份量好大，大大碟𩠌先至$65 ，所以我觉得呢一个菜都好抵食。另外我哋就见咗个京都骨，如果大家有睇下边嘅相片嘅话就可以见到佢啲京都骨其实真系好大份，我哋两个人食都起码每一个人都可以拎到差唔多八九件，而且佢每一件都系好多肉，而且骨嘅份量比较少，所以佢真系抵食夹大分，不过佢个配料其实真系比较少，只系得菠萝，其实我出边食过其他嘅京都骨都系有其他嘅三色椒，或者最少系青椒作一个配菜，但系呢间就剩系得菠萝，我反而就觉得比较逊色一啲，因为睇返落去个外貌其实唔系特别讨好，如果加返个三色椒或者系青椒嘅话令到个色彩丰富啲，咁可能
坐低我哋就开始叫𩠌，咁我哋叫咗三样𩠌，其实三样𩠌都好食嘅，所以呢间餐厅我都会俾佢一个中上嘅分数。
我哋就叫咗个金银蛋炒时菜，咁我哋就拣咗菜心，佢嘅用料都好靓啊，菜心系用菜心苗，食落去好嫩口，唔会好老，而且金银蛋都好食，重点系佢份量好大，大大碟𩠌先至$65 ，所以我觉得呢一个菜都好抵食。
另外我哋就见咗个京都骨，如果大家有睇下边嘅相片嘅话就可以见到佢啲京都骨其实真系好大份，我哋两个人食都起码每一个人都可以拎到差唔多八九件，而且佢每一件都系好多肉，而且骨嘅份量比较少，所以佢真系抵食夹大分，不过佢个配料其实真系比较少，只系得菠萝，其实我出边食过其他嘅京都骨都系有其他嘅三色椒，或者最少系青椒作一个配菜，但系呢间就剩系得菠萝，我反而就觉得比较逊色一啲，因为睇返落去个外貌其实唔系特别讨好，如果加返个三色椒或者系青椒嘅话令到个色彩丰富啲，咁可能个卖相会好返啲嘅，所以我宁愿佢肉嘅份量少啲，去换取其他三色椒返嚟，当然明白呢个价钱去做京都骨系有难道嘅，但系我觉得可以尽做嘅。
另外我哋仲叫咗个啫啫鸡煲，啫啫鸡煲系我其中一样好想食嘅小菜，一见到个鸡煲上枱嘅时候我就闻到佢好香，而且佢啲份量系比起其他两碟𩠌系小嘅，佢系比较贴近一般其他餐厅所叫到嘅啫啫鸡煲嘅份量，所以其实我冇因为呢一个份量而去扣分嘅，不过可以一赞嘅系入边嘅用料都算系好足，里面系有好多鸡，而且入边系有冬菇同埋猪润，不过都系果句，佢嘅冬菇其实只系得一片，其实都系偏小嘅，所以如果系啲鸡份量少啲，但系冬菇嘅份量多番啲，我就觉得个鸡煲就比较完美啦！
最后都讲吓卫生同埋服务态度方面嘅，老实讲，冬菇亭你想佢真系有几卫生啦，所以其实睇返餐厅望落去企理，职员抹枱起码冇表面嘅污迹其实真系合格有突㗎啦，另外店员嘅态度都好，起码叫做随传随到，所以我觉得呢间餐厅可以值得去！
京都骨
63 浏览
0 赞好
0 留言
金银蛋炒菜心
71 浏览
0 赞好
0 留言
啫啫鸡煲
60 浏览
0 赞好
0 留言
张贴
