同撈同煲 (堅拿道西)

营业中

休息中

平时食得川式台式火锅比较多，已经好耐冇食港式火锅。今日同朋友嚟咗依间食港式火锅。餐厅比人咁感觉几怀旧，除左装修有大牌档风味，仲会播下怀旧金曲，同时亦都好富人情味，店员都好热心，例如会时不时帮我哋隔火锅汤底面头嘅油。今日想食清清地所以我地叫左个冬甫美人锅依个锅入面有半只鸡，可以当系一个𩠌，店员仲会帮我地煎好，鸡肉都几嫩滑。锅入面有冬瓜片，吸收咗鸡汤嘅精华好入味。另外仲有红枣、桃胶、松草花、竹笙等食材，成个锅感觉好养生。渌食物前可以饮埋个清鸡汤。鼓油可以自行调味，有一大tray放系枱面可以自己落唔洗出去整我地另外加咗几样配料:安格斯牛 - 雪花纹分布平均，食落有牛味，而且肉质唔硬，几好食鳝片 - 可以话系今晚最钟意食嘅配菜，鱼皮同肉质都好弹牙鹅肝墨鱼丸 - 墨鱼丸入面有少少鹅肝蓉馅，比平时嘅墨鱼丸特别唐生菜 - 都几fresh, 打边炉一流最后我地仲叫咗个虾多士小食，感觉有少少肥腻邪恶，不过又好脆口惹味令人忍唔住要食。整过嚟讲都系一次唔错嘅打边炉体验。