大勝丼 (已結業)

上到去好多人等紧位，好在book左枱，唔驶等就入得。一行三人，每人叫左个自选丼。 讲真价钱唔算好平，跟左面豉汤同迷你雪米糍。 个汤比平时一般跟餐既汤大碗，仲有2粒油扬，算系咁，味道就一般啦，唔算特别好饮。落order时waitress姐姐提左话红醋饭会酸d, 其实我食落唔觉得特别酸，只可以话同白醋饭系两种味。 个丼好大份，有个frd叫左少饭又真系会细d。 d刺身都好新鲜，吞拿鱼蓉冇筋，帆立贝都几大只，三文鱼籽唔腥，仲加左d饭素同紫菜，味道都几丰富。比较可惜系限时1个钟，食完时间啱啱好要卖单，冇法啦，人气小店系要控制下人流。感觉几好，有机会再去。